Bazar günü, 2019-08-18, 11:16 PM
Allahın Peyğəmbəri (s): «Zirəklərin ən zirəyi günahlardan çəkinmək, axmaqların ən axmağı isə günah işlər görməkdir»
Main » Files » Əhli-Bəyt » İmam Fatimə (ə)

Həzrət Zəhranın (s.ə) mübarək məzarı haradadır?
2013-03-31, 6:01 AM
Həzrət Zəhranın (s.ə) mübarək məzarı haradadır?

Həzrət Zəhranın (s.ə) mübarək cismi gecə dəfn edildiyi üçün, məzarı da gizli qalmışdır. Bəs Həzrət Peyğəmbərin (s) bu əziz qızının məzarı niyə gizli qalmışdır?

O gün ki, Həzrət Zəhra (s.ə) mübarək gözlərini bu fani dünyaya bağlayır, heç kim Xanımın (s.ə) məqamını olduğu kimi tanımır və qəbul etmirdi. Əgər kimsə İmam Əlidən (ə) Xanımın (s.ə) məzarının yerini soruşardısa, sükutdan başqa bir cavab almazdı. Bu sükutda minlərlə etirazlı nöqtələr gizlənmişdir. İmam Əli (ə) Xanımın (s.ə) məzarını gizlətməyə çalışırdı. Ona görə də Xanımı (s.ə) dəfn edən zaman qəbrini yerlə bir edir və dörd qəbri onun kimi torpaqlayır. İnsanlar Bəqi qəbiristanlığına gələrək, dörd qəbri bu halda görürlər və ona görə də onların arasından Xanımın (s.ə) qəbrini müəyyən etmək çətin olur.

Təbəri yazır ki, həmin günün səhəri qadınları qəbiristanlığa aparıb Xanımın (s.ə) qəbrini qazmaq istədilər. İmam Əlinin (ə) hədəsi ilə bu işdən əl çəkirlər.

Xanımın (s.ə) mübarək qəbrinə görə dörd fikir vardır:

1. Bəziləri Həzrət Fatimənin (s.ə) məzarının Bəqi qəbiristanlığında olduğunu bildirir. Ərbəli "Kəşful-ğəma”, Seyyid Murtəza "Uyunul-möcüzat” kitabında bu fikri təsdiq edirlər. Onların nəzərinə görə, dörd İmamın (s.ə) məzarının kənarında olan məzar - Xanımın (s.ə) məzarıdır.

2. İbni Səyid, İbni Cuzi deyirlər ki, xanımın məzarı Əqilin evindədir.

3. Bəziləri Xanımın (s.ə) məzarının Peyğəmbərin (s) bağında olduğunu iddia edirlər.

4. Bəziləri isə Xanımın (s.ə) öz evində dəfn oldunduğunu iddia edirlər. Hədislərin bir çoxu bi fikri təsdiq edir.

Hədislərin birində oxuyuruq ki, İmam Əli (ə) Həzrət Fatiməni (s.ə) dəfn edəndən sonra ayağa qalxır və üzünü Peyğəmbərin (s) qəbrinə çevirir və buyurur: "Salam olsun sənə, ey Allahın Rəsulu, məndən və sənin kənarına enən qızından!”.

Bu hədisdən görünür ki, İmam Əli (ə) Xanımı (s.ə) dəfn edəndən sonra üzünü Peyğəmbərin (s) qəbrinə tərəf çevirir. Deməli, Peyğəmbərin (s) qəbri Xanımın (s.ə) qəbrinin qarşısında yerləşir.

İbrahim ibni Muhəmməd Həmədani adlı biri İmam Təqiyə (ə) məktub yazır və xanımın qəbrinin yerini soruşur. İmam (s.ə) cavabında buyurur ki, Xanımı (s.ə) cəddim Peyğəmbərin (s) qəbrinin kənarında basdırıblar.

Şeyx Səduqun nəzərinə görə Xanımı (s.ə) öz evində dəfn ediblər. Onun yanındakı məscidi genişləndirən zaman qəbir də məscidin tərkibinə daxil olur.

Əllamə Hilli və Məclisi də Xanımın (s.ə) öz evində dəfn olduğunu iddia edirlər. Şeyx Tusi isə Xanımın (s.ə) Peyğəmbərin (s) bağında dəfn olunduğunu iddia edir. Həzrət Peyğəmbərdən (s) gələn hədis də bunu təsdiq edir: "Qəbir və minbərim arasında behişt gülşənindən olan bağ var”.

Bir nəfər İmam Rzadan (ə) Həzrət Fatimənin (s.ə) qəbrinin yerini soruşur. Həzrət (ə) buyurur: "Fatiməni (s.ə) evində dəfn etdilər. Bəni-Uməyyə məscidi genişləndirən zaman Fatimənin (s.ə) qəbri məscidə daxil oldu”.

Həmçinin bir nəfər İmam Sadiqə (ə) bu sualı verir və Həzrət (ə) cavabından buyurur: "Evində dəfn olub”.

Ona görə də hədislərin bir çoxunda Xanımın (s.ə) öz evində dəfn olunmasına aid dəlillər vardır. Xüsusilə də Məsumlar (ə) bu mövzunu təsdiq etmişdilər. Xanımın (s.ə) qəbrini onlardan yaxşı tanıyan yoxdur.

Belə ehtimal etmək olar ki, İmam Əlinin (ə) Bəqi qəbiristanlığında dörd qəbri qazması isə insanları çaşdırmaq üçün olmuşdur. Əgər onlar bu yalançı məzarları açsaydılar, Xanımın (s.ə) öz evində basdırıldığını şübhəsiz ki, təxmin edərdilər. Sonrakı İmamların (ə) Həzrət Fatimənin (s.ə) qəbrinin yerini bildirmələrinin səbəbi isə ona görə olmuşdur ki, məzarı gizli saxlamaq üçün xüsusi dəlil qalmır. Ona görə də onlar Xanımın (s.ə) məzarının yerini açıq-aşkar bildirmişdilər.

İndi belə bir sual yaranır ki, bəs Xanımın (s.ə) məzarı Həzrət Peyğəmbər (s) hərəminin hansı tərəfindədir? Bu suala əhli-təsənnün alimi Şeyx Məhmud ibni Muhəmməd Nəccar belə cavab verir: "Həzrət Fatimənin (s.ə) qəbri - öz evindədir. Ömər ibni Əbduləziz onu məscidə daxil edir. Onun evi bu gün Peyğəmbər (s) hücrəsinin arxasındadır. Orada mehrab vardır. Peyğəmbərin (s) və həyat yoldaşlarının qəbri məsciddə yerləşir”.



(Tebyan/ Deyerler.org)
Category: İmam Fatimə (ə) | Added by: Ənfal
Views: 532 | Downloads: 0 | Rating: 5.0/1
Total comments: 0
Yalnız qeydiyyatdan keçmiş istifadəçilər şərhləri əlavə edə bilər.
[ Registration | Login ]