Əsas səhifə » 2012 Aprel 4 » Əsmayi - hüsna
7:43 AM Əsmayi - hüsna | |
 Əsmayi - hüsnadan yaradılış aləminin döyünən yrəyi, yaradılış aləminin bir zərrəsi olan insanın görən gözü, eçidən qulağı və danışan dilidir.هُوَ اللَّهُ الْخَالِقُ الْبَارِئُ الْمُصَوِّرُ ۖ لَهُ الْأَسْمَاءُ الْحُسْنَىٰ ۚ يُسَبِّحُ لَهُ مَا فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ O, (hər şeyi) yaradan, yoxdan var edən, (hər şeyə) surət verən Allahdır. Ən gözəl adlar (əsmayi-hüsna) ancaq Ona məxsusdur. Göylərdə və yerdə nə varsa (hamısı) Onu təqdis edib şəninə təriflər deyər. O, yenilməz qüvvət sahibi, hikmət sahibidir! ("Həşr" 24) Əsmayi - hüsna və insan Ən gözəl adlara sahib olan məxluqatın ən şərəflisi olan bəşər övladını da öz sifətlərində görmək istəyir. Vəhy pencərəsindən baxdıqda insan gözəl, hətta Quran təbiri ilə desək, gözəl biçimdə yaradılmış bir varlıqdır. " Biz insanı ən gözəl biçimdə yaratdıq" "Tin", 5. Lakin tarixi təcrübələr insanların müxtəlif xarakter və xüsusiyyətlərə malik olduqlarından xəbər verir. Hətta Quranda adı çəkilən peyğəmbərlər də bizə müxtəlif özəlliklərilə təqdim olunurlar. Onların hər biri özlərində fərqli insani psixologiyalar canlandırmışlar. Bunu nəzərə alaraq bütün insanları Quranda adı çəkilən peyğəmbərlərin sayıq qədər kateqoriyalara bölmək olar. Burada belə nəticə hasil olur: 1. İnsan öz-özlüyündə gözəl biçimdə yaradılıb. 2. İnsanlar müxtəlif xüsusiyyətlərlə yaradılıb.  Belə bir sual meydana çıxır: Əgər insanlar yaxşı, yaxşılar da fərqli yaxşılardırlarsa, onda bu fərqin altında yatan nədir? Axı Allah təkdir. Əgər təkdirsə, yaratdıqları da tək olmalı deyilmi? Belə bir fərqlilik və çoxluq haradan və hansı zərurət üzündən meydana gəldi? Məsələnin fitri kökünə nəzər saldıqda bunun tək bir izahı olduğunu dərk edirik. O da Əsmayi - hüsnadır! Fərqliliyin tək qaynağı varsa, o da Allahın gözəl adlarıdır. Asmayi - hüsna insanlarda fərqli şəkildə təcəlli edər. Və " hər bir insanda Əsmayi - hüsnanın bir təcəllisi var" desək yanılmarıq. O bu təcəlliyə ya müsbət cavab verib düzgün istifadə edər, ya da sui-istifadə edərək özünü həlak edər. Məsələn: Günəş şüaları müyvənin üzərinə saçıb onları yetişdirə bildiyi kimi, ətin də üzərinə saçıb onları yetişdirə bildiyi kimi, ətin də üzərinə saçıb onu xarab edə bilər. Yəni insan nəyi nə qədər günəşin altında saxlamalı olduğunu bildiyi kimi, Əsmayi - hüsnaya, yəni onu vicudunda necə və hansı səviyyədə təcəlli etməsinə də diqqət yetirməlidir. İxlasla, Allahın gözəl adları ilə dua etmək onların Allah dərgahında daha tez qəbul olunmasına səbəb olar.  Əgər Əsmayi -hüsnadan biri "Səmi" (eşidən) və insan da eşitmə qabliyyətinə malikdirsə və o bu xüsusiyyəti müsbət istiqamətə yönəldirsə, deməli Əsmayi - hüsnanı özündə Allah istədiyi kimi təcəlli etmişdir. Əks halda, yəni harama (qeybət və töhmətə) qulaq asdıqda o öz-özünü həlak etmiş olur. Bir sözlə, əgər insan yalnız bir bədəndirsə, Əsmayi - hüsna onun qəbidir. Bəs nə üçün insan günaha sövq olur və psixoloji xəstəliklərə məruz qalır? Əsmayi - hüsnadan bəhrələnə bilən insan bu ruhi xəstəliklərdən necə yaxa qurtara bilər? Bu barədə gələn sayımızda.... | |
|
| |
| Total comments: 0 | |
