Əsas səhifə » 2011 May 26 » Qəlblərin Quranı
2:07 PM Qəlblərin Quranı | |
 Quran XV əsr bundan əvvəl 23 il müddətində tədrici olaraq nazil olsa da, mənası hələdə nazil olmaqdadır. Quran tədricən nazil olduğu üçün "onu oxuyub qurtardım" deməyin özüdə yalnışdır. Quran bi dəfəyə və bir dəfə oxunmaz. Elə buna görə də ona Quran deyilir.Quran - oxunub qurtarmayan Ilahi kitabdır. Hər dəfə oxuduqda mənası yenilənən xitab. Bunun üçün də böyük alimlərdən olan İqbal Lahurinin oğlu ona "Atacan, Quramı oxuyuram, amma ayələrdən bir çoxunu başa düşmürəm" - dedikdə oğluna belə cavab verir: " Oğlum, Quran sənə nazil olmuş kimi oxu!". Quranı oxumazdan əvvəl mənən hazır, onun nazil olacağı yeri, yəni qəlbi bütün pisliklərdən təmizləmək lazımdır. Quranı bütün ağızlar oxuyar, amma Quran yalnız pak qəlblərə nazil olar. Qurana həyat kitabı, daha doğrusu, həyat kitabı kimi nəzər salmaq lazımdır. Quranı oxumazdan əvvəl ona belə bir xitab edək: Ey Quran! Bilmədiklərimi, yanlış bildiklərimi səndən soruşmaq və səndən cavab almaq istəyirəm. Cavabı eşitdikdən sonra : "Eşitdik, itaət etdik, elə isə rəhm et bizə, bağışla bizi" - deməliyik. Əgər eşidib itaət etmişiksə, onda bağışlanmaq nə üçündür? Görəsən, bunun nə anlamı var? Nə üçün Allah bizə belə dua etməyi öyrədir? Məgər eşidib itaət etdikcə məsələ həll olunmur? Görünür həll olunmur... Çünki bir çox hallarda eşidib itaət etdikdə də, səhvə yol veririk. İnsan olaraq yalnış eşidib, yalnış nəticə çıxarıb, yalnış həll edə bilərik. "Eşitdik, itaət etdik, ey Rəbbimiz, rəhm et, bağışla bizi, Sənin rəhmətinə sığınıram". Eşitmək burada, sadəcə, çağırışın eşidilməsi deyil, başa düşmək, dərk etmək mənasını verir. Bir şeyə itaət etmək üçün hər şeydən əvvəl onun mənasını dərk etmək lazımdır.  Demək, Quranı dərk etmək üçün Onu Peyğəmbərə (s.ə.s) deyil, özümüzə nazil olduğunu qəbul etməliyik. Məgər "Ey iman gətirənlər!" xitabı bizə olunmurmu? Biz də özümüzü iman gətirənlərin arasında görmək istəyiriksə, Allahın çağırışına " Ləbbəyk, Allahummə ləbbəyk" (Sənin hüzurundayam, Allahım, Sənin hüzurunda) deməliyik! Amma deyirikmi? Quranı həyatımızın hansı sahəsində gördüyümüzə nəzər salaq. Uşaqlarımızı xəstəxanalardan rüşvətlə təhvil alan, rüşvətlə oxutduran, rüşvətlə işə qoyan biz deyilik? Toylarımızda Allahın haramlarını halal edən biz deyilik? Yas mərasimlərində israfa yol verən biz deyilik? Hələ utanmadan Kəbə evini təraf edərkən "Sənin hüzurundayam, Allahım, Sənin hüzurunda" zikrini dilimizə gətiririk. | |
|
| |
| Total comments: 0 | |
