Oruc tutmaq - bu günün Orucu 60 il günahın kəffarəsidir.

Qüsl etmək.

İmam Əlini (ə) ziyarət etmək. "Əminəllah" ziyarətnaməsini oxumaq daha çox tövsiyə olunub - əgər hər kimdə bu ziyarətnamə yoxdursa öz dilində ziyarət edə bilər.

Bu günün namazı: 2 rükətdir. Namazın birinci rükətində Həmddən sonra Qədr, ikinci rəkətdə isə Tövhid sürəsi oxunur. Yaxşı olar ki, namazı günorta azanına yaxın qılasınız. Namazdan sonra səcdəyə gedib 100 dəfə Allaha şükr etmək.

Əziz dostlar bu əziz bayram günündə qohumları yad etmək, möminlərlə ünsiyyətdə olmaq, hədiyyə etmək məsləhət görülür. Biz bu qədərlə kifayətlənirik.
Bu günün bəzi müstəhəb əməlləri də var ki maraqlananlar "Məfatihul-Cinan" kitabına müraciət edə bilərlər. Qədir Xum Bayramınız Mübarək!