Cümə axşamı, 2024-03-28, 9:57 PM
Allahın Peyğəmbəri (s): «Zirəklərin ən zirəyi günahlardan çəkinmək, axmaqların ən axmağı isə günah işlər görməkdir»
Əsas səhifə » 2011 » May » 12 » PİS ƏXLAQ OLMAQ QƏBİR ƏZABINA SƏBƏB OLAR
6:55 PM
PİS ƏXLAQ OLMAQ QƏBİR ƏZABINA SƏBƏB OLAR
İmam Sadiq (ə) belə buyurur: "Səd ibn Məazın ölüm xəbərini Rəsulullaha (s) çatdırdıqda, Həzrət qalxıb səhabələrilə birlikdə onun evinə getdi. Rəsulullahın əmri ilə, Sədə qüsl verdilər. Qüsl və kəfənləmə əməliyyatından sonra, onu tabuta qoyaraq dəfn etmək üçün qəbirsanlığa apardılar. Cənazəniapararkən, Rəsulullah (s) ayaqyalın və əbasız hərəkət edirdi, qəbirin yaxınlığına çatana qədər bəzən tabutun sağ, bəzən də sol tərəfini tuturdu. Rəsulullahın (s) şəxsən özü qəbirin içinə girib,cənazəni qəbirə qoydu; daş, kərpic və digər şeylərin gətirilməsini əmr etdi. Daha sonra mübarək əlləriylə cənazənin üzərini bağlayıb onun üzərinə torpaq tökdü. Bu əsnada Sədin anası, qəbirin kənarına gələrək belə dedi: "Ey Səd ! Cənnət sənə mübarək olsun."
Rəsulullah (s) bu sözü ondan eşidər-eşitməz belə buyurdu: "Ey Sədin anası! Sus! Allah adından bu qədər qəti və yəqinlə danışma. İndi Səd qəbir əzabına düçardır və buna görə əziyyət çəkir."
Sonra, qəbirsanlıqdan qayıtdılar. Həzrət Peyğəmbərlə birlikdə olan camaat belə dedi: "Ya Rəsuləllah! Səd üçün etdiyin işləri indiyə qədər heç kim üçün etməmisiniz. Ayaqyalın, əbasız onun cənazəsini müşayət etdiniz; tabutun bəzən sağ, bəzən də sol tərəfindən tuturdunuz !"
Rəsulullah (s) onların cavabında belə buyurdu: "Mələklər də əbasız və ayaqyalın idilər; mən də onlara riayət etdim, əlim Cəbrayılın əlində olduğu üçün, o tabutun haransından tuturdusa, mən də o tərəfindən tuturdum." Camaat bu sözləri eşidincə belə dedilər: "Ya Rəsulullah ! Sədin cənazəsinə namaz qıldınız, mübarək əllərinizlə onu qəbirə qoydunuz, qəbiri öz əlinizlə düzəltdiniz, yenə də qəbir Sədi sıxdı deyirsinizmi?"Rəsulullah (s) cavab olaraq: "Bəli, qəbir əzabına düçar oldu. Çünki o, evində pis əxlaqlı idi, qəbir əzabı bu səbəbdən idi. "
(Bihar, c.6, s.220 və c.22, s.107 həmçinin c.73, s.298)

islamaz.com

Category: Exlaq | Baxış: 1033 | Added by: Ənfal | Rating: 5.0/2
Total comments: 0
Yalnız qeydiyyatdan keçmiş şəxslər şərh əlavə edə bilər.
[ Qeydiyyat | Giriş ]