Əsas səhifə » 2012 Fevral 15 » Peyğəmbər evi
7:20 AM Peyğəmbər evi | |
 Əsas mətləbə keçməzdən əvvəl Həzrət Muhəmmədin (s.ə.s) həyatından bir hadisə nəql edim. Sonra nələrin necə dəyişdiyinə özünüz qərar verin. Hicrətin 6- cı ili. Müsəlmanlar Həcc ziyarəti məqsədi ilə Məbinədən Məkkəyə yola düşürlər. Hübeybiyyə adlanan məntəqədə düşərgə qurub qalmalı və Məkkə müşrükləri ilə sülh sazişi imzalamalı olurlar. Sülh sazişi imzalanmazdan əvvəl Həzrət Muhəmməd (s.ə.s) dəstəmaz almaq qərarına gəlir. Əshab hərə bir tərəfdən onu dövrəyə alıb üzündən və əlindən tökülən suyun bir damlasını belə yerə düşməyə qoymur və təbərrük üçün onu üzlərinə çəkirlər. Bunun şahidi olan Məkkə nümayəndəsi öz şəhərinə qayıtdıqda bu sözləri deyir: " Bu vaxta qədər çox əmirlər, padşahlar görmüşəm, amma Muhəmməd kimi hörmət və ehtirama sahib olan ikinci bir şəxs görməmişəm. Onun ətrafında olan insanlar üzünün suyundan bir damla da yerə düşməyə qoymur ki, o ki qala sözün yerə düşməcəyinə. Onun Məkkəyə girişindən vaz keçin, qoyun o birilər onu da etsinlər. O və onun ətrafında olanlar qarşısıalınmaz bir qüvvədir..." Sonralar tarix boyu bir çox hadisələr baş verdi, hamisını nəql etmək mümkün olmasa da, sizə bu günümüzdə baş verən acı bir gerçəkdən söz açmaq istəyirik. Əgər yadınızdadırsa, ötən sayımızda sizə Məkkə şəhərində müsəlmanların  qibləgahı olan Kəbənin kənarında hazırlanan bu müqəddəs məkanı demək olar, itirən layihəni təqdim etmişdik.http://gunahkar-bende.ucoz.org/news/t_z_k_b_kohn_k_b/2011-11-17-3325 Bu sayımıza görəcəkləriniz isə təəssüflər olsun, artıq bir neçə ildir ki, daha dəqiq desək, 1925-ci ildən sonra həyata keçirilmişdir və bu acı həqiqəti artıq heç nə ilə geri qaytarmaq mümkün deyil. İlk öncə sizdən soruşuruq: Həzrət Muhəmmədin (s.ə.s) düynaya gəldiyi yerdə hal-hazırda nəyin yerləşdiyindən xəbəriniz varmı? Özümüz gedə bilməsək də biz bu sualı həcc ziyarətində olan bir çox zəvvarlara verdik. Onlardan da bir cavab ala bilmədik. Amma araşdırmalarımızı davam etdirib bir yerə çıxdıq. Gəlin yaxın keçmişə qayıdaq. AUKSİONLARINDA BONPARTİN İYLƏNMİŞ CORABİ 2,5 MİLYON DOLLARA SATILIR, AMMA MÜSƏLMAN DÜNYASININ MƏRKƏZİNDƏ PEYĞƏMBƏR (S.Ə.S) EVİ YERLƏ-YEKSAN OLUNUR.  1925-ci il. İslam dünyasına qara hərflərlə yazılan bu tarixi əsla unutmayın. Ali Səud ingilislərin dəstəyi ilə İslam dünyasını fəxr və möhtəşəmlik ünvanı olan Osmanlı imperiyası Səudiyyə Ərəbistanında hakimiyyətə gəlir. Və bütün faciələrdə həmin gündən başlayır. Vəhhabi təriqətini qoynunda pərvəriş etdirən bu sülalənin müqəddəs məkanında gördüyü ilk tədbir milyonlarla müsəlmanların ziyarətgahı olan Məkkədəki "Cənnətul - məula" və Mədinədə ki, Bəqi qəbiristanlığını, yüzlərlə tarixi abidəni, Peyğəmbərin (s.ə.s) zövcələrinin, səhabələrinin qəbirlərini yerlə-yeksan etmək olur. Hələ bu azmış kimi, bura ziyarətə gələnlərə "müşrik" (Allaha şərik qoşan) "rafizi" (dindən çıxmış) damğası vurmağa başlayırlar. Vəhhabi "islahatçıları" bununla kifayətlənməyib Peyğəmbərə (s.ə.s) aid digər azyaşlı tarixi abidənin də axırına çıxmaq qərarına gəlirlər. Onlar Həzrət Muhəmmədin (s.ə.s) doğulduğu evi də yerlə-yeksan edib yerində kitabxana tikirlər. Hələ fikirləşəndə ki, Həzrət Muhəmmədin (s.ə.s) dünyaya gəldiyi evdə kitabxananın ayaqyolu da yerləşir, bu, insanın hiddətini daha da artırır. Kitabxana elm mərkəzidir, bunu başa düşdük, amma yüzlərlə 5 ulduzlu otelə yer ayıran bu dövlət İslamiyyətin ilkin nişanələrini də qoruya bilərdi. Qorumadı! Yerlə-yeksan etdi! Hələ də etməkdədir! | |
|
| |
| Total comments: 0 | |
