Ailə mühiti uşaq üçün birinci məktəbdir. Uşaq danışığı valideynlərindən öyrəndiyi kimi, yaşayış əlifbasını da onlardan öyrənir. Valideynlər uşaq dünyaya gələnə qədər öz əməllərindən ötrü məsuliyyət daşıyırlar. Uşaq dünyaya gələndən sonra isə onların məsuliyyəti daha da artır. Onlar bilməlidirlər ki, evdəki rəftar və davranışları uşaqda dərin iz buraxır. Onlar yaşayışın, həyatın düzgün rolunu öz əməllərində göstərməlidirlər. Gələcək nəsil və Allah əmanəti qarşısında bu, onların müqəddəs vəzifəsidir. Neçə il bundan qabaq jurnalda oxuduğum bir mətləbi nəzərinizə çatdırmaq yerinə düşərdi: Orucluq ayında xəstə bir ana öz yeməyini uşaqlardan gizlin yeyirdi. Ondan soruşdular ki, sən şəri baxımdan üzrlüsən, niyə yeməyini gizlində yeyirsən. Ana cavab verdi ki, uşaqlarımın atası oruc tutmayan, təqvasız bir adamdır. Mən özüm isə təqvalı, oruc tutan bir şəxsəm. Razı olmaram ki, övladlarım məni təqvasız bilsinlər

UŞAĞIN DAVRANIŞINA NƏZARƏT