Qarşıdan 11 ayın sultanı mübarək Ramazan ayı gəlir. Artıq dünyanın dörd bir tərəfində yaşayan müsəlmanlar bu ilahi ziyafətə hazırlıqları yekunlaşdırmaq üzrədirlər.
Bildiyimiz kimi, Ramazan ayı - hicri-qəməri ayıdır və təqvim Ayın görsənməsi ilə müəyyən olunur. Bu il Ramazan ayının 1-nin daxil olma ehtimalı avqust ayının 1-nə və yaxud 2-nə təsadüf edə bilər.
Əgər mübarək Ramazan ayının 1-i avqust ayının 1-nə təsadüf etsə, bu zaman ilk imsak saat 04:52-də, iftar isə 21:17-dədir. Əgər mübarək ayın 1-i avqust ayının 2-nə təsadüf edərsə, bu zaman ilk imsak saat 04:53-də, iftar isə 21:16-da olacaq.
Onu da qeyd edək ki, İslam dünyasının ali məqamlı mərcəi-təqlidlərinin nəzarətində olan "İstihlal mərkəzi"nin (qəməri ayların hilalının görünməsi ilə bağlı araşdırmalar aparan elmi-praktiki mərkəz) mütəxəssislərinin Ramazan ayının daxil olması ilə əlaqədar verdiyi məlumatların "deyerler.org"da dərc olunması nəzərdə tutulmuşdur.