İblis harada səhv etdi?

İnsanı dünya və axirət səadətindən məhrum edən, hətta bu dünyada rəzalət girdabına yuvarlandıran səbəblərdən biri təkəbbür, lovğalıqdır. Bu xasiyyət insanı həqiqəti görməkdən məhrum edir, onu doğru yoldan azdırır. Allah-Taala Qurani-Kərimdə İblisin də məhz təkəbbür səbəbindən yolunu azıb Allah dərgahından qovulduğunu bildirir. İblis öz ibadəti ilə mələklər sırasına ucalmışdı. Amma təkəbbür onu bədbəxt etdi. İmam Həsən (ə) xalqa moizəsində buyurur: "Xalqı üç şey məhv etdi: təkəbbür, tamah və paxıllıq. Təkəbbür dini məhv edir və təkəbbür səbəbindən şeytan lənətləndi.”
Digər bir irad budur ki, şeytan Allahın istəyinə etiraz etdi. Bəli, mələklər də onlar var ikən insanın yaradılmasına lüzum olmadığını söylədilər. Amma Allahın cavabından sonra tabe oldular. İblis isə inad göstərdi. O özünü Allaha şərik qərar verdi. Görün təkəbbür məxluqu hara aparır.

HaqqYolu