"Məaric” surəsini oxumağın (xətm etməyin) fəzilət və mükafatı

İmam Sadiq (ə) buyurur: "Səələ sailun” ("Məaric”) surəsini çox oxuyun. Həqiqətən də, Allah-Təala bu surəni çox oxuyan şəxsi yol verdiyi günahlara görə qiyamət günü sorğuya çəkməz, ona behiştdə həzrət Məhəmməd (s) və ailəsi ilə birlikdə yer verər. ("Səvabul-əmal”, səh. 275, h.440)

"Huh” surəsini oxumağın (xətm etməyin) fəzilət və mükafatı

İmam Sadiq (ə) buyurur: "Allaha iman gətirib Onun kitabını oxuyan şəxs "ərsəlna nuhən ila qəvmihi” ("Nuh”) surasini tərk etməsin. Bu surəni vacib və müstəhəb namazlarında səmimi və səbrlə oxuyan şəxsə Böyük Allah yaxşıların mənzilində yer verər. Ona ehtiram olaraq behiştdən əlavə də nemətlər əta edilər...” ("Təfsiri-məcməul-bəyan”, c.10, səh.359)

"Cinn” surəsini oxumağın (xətm etməyin) fəzilət və mükafatı

İmam Sadiq (ə) buyurur: "Qul uhiyə iləyy” ("Cinn”) surəsini çox oxuyan şəxs dünya həyatında gözdəymə, sehr-cadu, cinlərin hiyləsindən amanda qalar, sonda həzrət Məhəmmədə (s) yoldaş olar. O deyər: "Ey Rəbbim, mən bu məqam və nemətlərin dəyişməsini, onların əldən çıxmasını istəmirəm.” ("Təfsiri-burhan”, c.4, səh. 390)

HaqqYolu üçün hazırladı: Miqdad Eyvazov
Mənbə: "Quran və Həyat” 

haqyolu.com