Cümə axşamı, 2021-09-23, 6:11 AM
Allahın Peyğəmbəri (s): «Zirəklərin ən zirəyi günahlardan çəkinmək, axmaqların ən axmağı isə günah işlər görməkdir»
Əsas səhifə » 2012 » May » 6 » Bir neçə il zindanda qalmalısan!
3:41 PM
Bir neçə il zindanda qalmalısan!
Bir neçə il zindanda qalmalısan!


Yusif peyğəmbər Quranda buyurulduğu kimi böyük məqama və ali mənəvi dərəcəyə yetişmişdi. Buna baxmayaraq, zindan yoldaşlarından birinin azad olacağını bildikdə, Misir sultanına onun haqqında da danışmağı rica etdi. Qurani-Kərimdə bu haqda belə buyurulur:

«(Yusif) bu iki nəfərdən nicat tapacağını yəqin etdiyi kimsəyə (şərab paylayana) dedi: «Ağanın yanında məni də yada sal!» Lakin Şeytan ona ağasının yanında (Yusifi) yada salmağı unutdurdu və buna görə də o (Yusif) bir neçə (yeddi və ya on iki) il zindanda qaldı.» (Yusif - 42).

«...Bir neçə müddətdən sonra yadına düşdü ki, Yusif neçə illərdir zindandadır.» (Yusif - 45).

İmam Sadiq (ə) Yusifin Allahdan başqasına sığınması haqqında buyurur:

Cəbrail Yusifin yanına gəlib dedi:

-Kim səni insanların ən gözəli etdi?

Yusif dedi:

-Allah.

Cəbrail:

-Kim sənin məhəbbətini atanın qəlbinə saldı?

Yusif:

-Allah.

Cəbrail:

-Səni quyudan çıxarmaq üçün karvanı sənə sarı kim yolladı?

Yusif:

-Allah.

Cəbrail:

-Səni (quyunun ağzından atılan) daşdan kim qorudu?

Yusif:

-Allah.

Cəbrail:

-Səni quyudan kim çıxartdı?

Yusif:

-Allah.

Cəbrail:

-Misir qadınlarının məkr və hiyləsini səndən kim uzaqlaşdırdı?

Yusif:

-Allah.

Cəbrail dedi:

-Allahın soruşur ki, bəs niyə məndən başqasına rica etdin, amma məndən istəmədin? Bax, buna görə də gərək bir neçə il zindanda qalasan!

Erfan.ir
haqyolu

Category: Diger me'lumatlar | Baxış: 613 | Added by: Ənfal | Rating: 5.0/2
Total comments: 0
Yalnız qeydiyyatdan keçmiş şəxslər şərh əlavə edə bilər.
[ Qeydiyyat | Giriş ]