Musa peyğəmbər (ə) Tih səhrasında  (Sina yarımadasında)  İsrail övladları ilə İlahi sınaq meydanında qaldığı zaman 12 qəbiləyə bölünən və susuzluqdan əziyyət çəkən  İsrail övladları ondan içməyə su istəyir.  Allah-Təala ona əsasını quyuya vurmağı əmr edir. Musa (ə) əsasını dağa vurduqda Allahın izni ilə oradan 12 çeşmə çıxır. "Biz onları (İsrail övladlarını) on iki qəbiləyə - ümmətə böldük. Camaatı (Tur səhrasında) ondan (Musadan içməyə) su istədiyi zaman ona:" "Əsanı daşa vur!" - deyə vəhy etdik. (Əsanı daşa vuran kimi) ondan on iki çeşmə qaynayıb axmağa başladı ("Əraf" 160).

Qurani-Kərimdə ilin aylarından söz düşdükdə yenə də on iki rəqəmi ilə qarşılaşırıq. "(Həqiqətən, Allah yanında ayların sayı göyləri və yeri yaratdığı gündən bəri Allahın Kitabında on ikidir.") ("Tövbə", 36)

Maraqlı hallardan biri də Həzrət Muhəmmədin (s.ə.s) sadiq davamçıları olan Məsum İmamların sayının da məhz 12 olmasıdır.

Həzrət Muhəmməddən (s.ə.s) bu barədə nəql olunan çoxsaylı rəvayətlərdən birində buyrulur:" "Məndən sonra 12 İmam gələcəkdir, onların hamısı Qureyşdən olacaq".