Cümə axşamı, 2019-08-22, 9:12 AM
Allahın Peyğəmbəri (s): «Zirəklərin ən zirəyi günahlardan çəkinmək, axmaqların ən axmağı isə günah işlər görməkdir»
Main » Files » Əqidə » Tövhid

Allahı necə çağırmalı?
2013-01-27, 0:38 AM
Allahı necə çağırmalı?


Hədisi nəql edən deyir: "Mən İmam Sadiqə (ə) dedim ki, Quranda iki ayə var, onu axtarıram, ancaq tapa bilmirəm. İmam (ə) buyurdu: "Bu iki ayə hansıdır?” Dedim: "Allah Təala buyurur: "Məni çağırın ki, sizin dualarınızı qəbul edim”. Biz bu ayəni oxuyuruq, dua edirik, ancaq yerinə yetmir”.

İmam (ə) buyurur: "Güman edirsən ki, Allah vədinə xilaf çıxıb?” Dedim: "Yox”. Buyurdu: "Bəs niyə yerinə yetmir?” Dedim: "Bilmirəm”. Buyurdu: "Ancaq mən səni agah edim. Hər kim Allahın ona verdiyi əmrlərə itaət edərsə, onu duada çağırarsa, yerinə yetirər”.

Dedim: "Dua etməyin yolu necədir?” İmam (ə) buyurdu: "Allahın həmdi ilə başlayırsan, sənə verdiyi nemətləri bir-bir dilinə gətirirsən, sonra Ona şükür edərsən, sonra Peyğəmbərə (s) və Ali-Peyğəmbərə (ə) salavat göndərərsən, günahlarını yadına salarsan, onları etiraf edərsən, onlardan Allaha pənah apararsan - budur dua”.

İmam (ə) buyurdu: "Bəs o biri ayə hansıdır?” Dedim: "Allah Təala buyurur: "O şeyi ki, infaq edirsiniz, Allah onun əvəzini verər. O, ən gözəl ruzi verəndir”. Mən infaq edirəm, ancaq əvəzini görmürəm”.

İmam (ə) buyurdu: "Güman edirsən ki, Allah vədinə xilaf çıxıb?” Dedim: "Yox”. Buyurdu: "Bəs niyə onun əvəzini verməmişdir?” Dedim: "Bilmirəm”. Buyurdu: "Əgər kimsə halal mal əldə edərsə, halal yolda infaq edərsə, dirhəmi hələ infaq etməmiş Onun əvəzini verər”.



(İslami saytlara istinadən/ Deyerler.org)
Category: Tövhid | Added by: Ənfal
Views: 506 | Downloads: 0 | Rating: 5.0/2
Total comments: 0
Yalnız qeydiyyatdan keçmiş istifadəçilər şərhləri əlavə edə bilər.
[ Registration | Login ]