| Main » Files » Əxlaq » Gözəl əxlaq dinin yarısıdır |
Müqəddəs dinimizdə nə zaman lənət deyilir?
| 2013-01-30, 7:03 PM | |
 Müqəddəs dinimizdə nə zaman lənət deyilir?(Tebyan saytına istinadən) Allah Təala Quranda buyurur: "Doğrudan da kafir olub küfr halında ölənlərə Allahın, mələklərin və bütün insanların lənəti olsun!” ("Bəqərə” 161). Lənət və nifrin ümumilikdə bəyənilməyən əməllərdəndir, ancaq bəzi hallarda bunu etmək caizdir. 19 halda müsəlman başqasına nifrin və lənət edə bilər. 1. Küfr edənlərə lənət. "Elə ki, onlara Allah tərəfindən əllərində olanı (Tövratı) təsdiq edən bir kitab (Quran) gəldi, onlar bundan əvvəl həmişə özlərinin (həmin kitabı gətirəcək peyğəmbər vasitəsi ilə) kafirlər üzərində qələbələrindən xəbər verdikləri halda (bütün bunlara baxmayaraq), bildikləri şey onlara gələn zaman ona küfr etdilər. Odur ki, Allahın lənəti olsun kafirlərə!”. ("Bəqərə” 89). 2. Müşriklərə lənət. "Və Allah barəsində pis gümanda olan münafiq kişi və qadınlara, həmçinin müşrik kişi və qadınlara əzab versin. Zamanın pis hadisələrinə tuş gəlsinlər! Allah onlara qəzəb edib, onlara lənət edərək (rəhmətindən) uzaqlaşdırıb və onlar üçün Cəhənnəmi hazırlayıb. Ora pis dönüş yeridir!” ("Fəth” 6). 3.Mürtədlərə lənət. "İman gətirərək Elçimizin haqq olmasına şəhadət verdikdən və aşkar dəlillər gəldikdən sonra kafir olan dəstəni Allah necə hidayət etsin?! (Kitab əhlinin bəzisi İslam peyğəmbərinin peyğəmbərliyə göndərilməsindən qabaq öz kitablarına əsasən iman sahibi idilər. Onun göndərilməsindən sonra isə İslamdan dönən mürtədlər kimi inkar etdilər). Allah zalım dəstəni hidayət etməz. Onların cəzası Allahın, mələklərin və bütün insanların lənətinin onlara olmasıdır”. ("Ali-İmran” 86-87). 4. Münafiqlərə lənət. "Allah münafiq kişilərə və qadınlara və kafirlərə əbədi qalacaqları Cəhənnəm odu vəd etmişdir. Onlara bu bəsdir. Və zalımlara Allah lənət etmişdir. Onlar üçün daimi bir əzab vardır”. ("Tövbə” 68). 5. Zalımlara lənət. "Allahın lənəti olsun zalımlara!” ("Hud” 18). 6.Yer üzündə fəsad törədənlərə lənət. "Allahın (tovhid və dinin qəbul edilməsi barəsindəki) əhd-peymanını (möcüzələr və dəlillərlə) möhkəmləndirdikdən sonra pozan, Allahın birləşilməsinə əmr etdiyi şeyi qıran və yer üzündə fəsad törədən kəslər üçün lənət və bu dünyanın pis sonu vardır”. ("Rəd” 25). 7. Şeytana lənət. "Və şübhəsiz, cəza gününə kimi Mənim lənətim sənin üstündə olacaqdır”. ("Sad” 78). 8. Allaha və Peyğəmbərə (s) əziyyət verənlərə lənət. "Şübhəsiz, Allahı və Onun Rəsulunu incidənlərə Allah dünyada və axirətdə lənət etmiş (Öz rəhmətindən uzaqlaşdırmış) və onlar üçün xaredici bir əzab hazırlamışdır”. ("Əhzab” 57). 9. Yalançılara lənət. Həzrət Peyğəmbər (s) buyurur: "Allah yalançıya lənət etsin. Baxmayaraq ki, zarafat etsə belə”. "Beləliklə Allahın lənətini yalançılara yağdıraq”. ("Ali-İmran” 61). 10. Pak qadınlara böhtan atanlara lənət. "Həqiqətən iffətli, (günahdan) xəbərsiz, imanlı qadınlara zina nisbət verən kəslər dünyada və axirətdə lənətlənmişlər və onlar üçün böyük bir əzab vardır”. ("Nur” 23). 11. Möminin qatilinə lənət. "Hər kim bilərəkdən mömini öldürərsə, cəzası cəhənnəmdir. Orada əbədi qalacaqdır. Allaha ona qəzəblənər. Onu lənət edər, onun üçün böyük əzab hazırlayar” . 12. Allah kitabını dəyişdirənlərə lənət. Həzrət Peyğəmbər (s) buyurur: "Həqiqətən mən yeddi nəfəri lənətləyirəm ki, Allah və hər bir peyğəmbər ona lənət demişdir. Soruşdular ki, bunlar kimdirlər? Həzrət buyurdu: O kəs ki, Allah kitabına nəyisə əlavə edər...”. 13. Qəza və qədəri inkar edənlərə. Yuxarıdakı hədisin davamında Həzrət Peyğəmbər (s) buyurur: "O kəs ki, İlahi qədəri inkar edər”. 14. Peyğəmbər (s) sünnətinə müxalif olanları. Yuxarıdakı hədisin davamında Həzrət Peyğəmbər (s) buyurur: "O kəs ki, mənim sünnətimlə müxalif olar”. 15. Allahın haramını halal edənlərə. Yuxarıdakı hədisin davamında Həzrət Peyğəmbər (s) buyurur: "O kəs ki, Allahın haramını nəslimə görə halal etmişdir”. 16. Zalım sultana. Yuxarıdakı hədisin davamında Həzrət Peyğəmbər (s) buyurur: "O kəs ki, zülm edər və Allahın zəlil etdiyini əziz tutar, Allahın əziz tutduğunu zəlil edər”. 17. Beytul-malı tarac edənlərə. Yuxarıdakı hədisin davamında Həzrət Peyğəmbər (s) buyurur: "O kəs ki, beytul-malı tarac edər”. 18. Allahın halalını haram edənlərə. Yuxarıdakı hədisin davamında Həzrət Peyğəmbər (s) buyurur: "O kəs ki, Allah Təalanın halal buyurduğunu haram edər”. 19. Zalıma yardım edənlərə. Həzrət Peyğəmbər (s) buyurur: "Hər kim zalım tərəfindən zülm etməyi öhdəsinə götürər, ya da zülm etməkdə ona yardım edərsə, ölüm mələyi bu zaman gələrsə, ona deyər: "Sənə Allahın lənətini, cəhənnəm atəşini müjdə verirəm”. Hazırladı: Məşhədi Xanım, /Deyerler.org/ | |
| Views: 793 | Downloads: 0 | Rating: 0.0/0 | |
| Total comments: 0 | |
