Main » Files » Əxlaq » Gözəl əxlaq dinin yarısıdır |
İnsan olmaq istəyirəm! (2 )
2013-06-03, 2:23 PM | |
Müsəlman
ariflər, əxlaq ustadları Quran və rəvayətlər əsasında özünütərbiyənin
pillələrini, mənzillərini təyin ediblər. Bu pillələr "süluk mərhələləri”
adlandırılır. Müxtəlif irfani kitablarda yüzə yaxın özünütərbiyə
mənzili haqqında danışılır. Bu mənzillər 4 mərhələdə qruplaşdırılır. Birinci
mərhələdə vəzifə batini nəfsani çirkinliklərdən təmizləmək, şəhvət və
qəzəbin əsarətindən qurtarmaqdır. Bu mərhələ təxliyə adlanır. İnsan nə
qədər ki, şəhvət və qəzəbin əsarətindədir, onu idarə edən bu iki
qüvvədir, həm cəmiyyət, həm də özü üçün bir bəla olaraq qalır. Şəhvət və
qəzəb hissləri qızanda insan heyvana çevrilir, Allahı yaddan çıxararaq
ilahi hədləri pozur. İkinci mərhələdə
insan dinin vacib əmrlərini yerinə yetirməli, haramları tərk etmlidir.
Bu mərhələ təcliyə - cilalama mərhələsi adlanır adlanır. İnsan
açıq-aşkar vacib bir əməli (məsələn, xüms ödəməyi) tərk edir, haram işə
(məsələn, sələm) yol verirsə, hələ ki iman həqiqətini dadmamışdır. Üçüncü
mərhələ batini, daxili aləmi gözəl sifətlərlə zinətləndirməkdir. Bu
mərhələ təhliyə adlanır. İki mərhələni başa vurmuş insan üçüncü
mərhələyə qədəm qoyduqda cəmiyyətdə ona qarşı bir sevgi yaranır.
İnsanlar bu şəxsin simasında gözəl əxlaqi sifətlər müşahidə edirlər. Dördüncü,
son mərhələ fəna – insanın öz istəklərini Allahın istəklərinə fəda
etməsi, haqda əriməsi, Mən bütündən azad olmasıdır. Yuxarıda
qeyd olunan dörd mərtəbənin yüzlərlə zərif nöqtələri var və bu
nöqtələrlə tanış olmaq üçün irfan kitabları oxumaq, əxlaq ustadlarını
dinləmək lazımdır. Natiq Rəmzi haqyolu.com | |
Views: 666 | Downloads: 0 | Rating: 0.0/0 |
Total comments: 0 | |