Cümə axşamı, 2024-03-28, 1:09 PM
Allahın Peyğəmbəri (s): «Zirəklərin ən zirəyi günahlardan çəkinmək, axmaqların ən axmağı isə günah işlər görməkdir»
Main » Files » Əxlaq » Gözəl əxlaq dinin yarısıdır

Əgər həya olmasaydı...
2013-11-29, 10:25 PM
Əgər həya olmasaydı...

 
Çox sayda hədislərdə həyanın təsirlərinə toxunulmuşdur. Onlardan bəzilərinə işarə edək.
1. Allaha məhəbbət. Həzrət Peyğəmbər (s) buyurur: "Allah həyalı insanı sevir və inadkar insanın həyasızlığına nifrət edir”. (Tebyan)
2. İffət. İmam Əli (ə) buyurur: "Həyanın səmərəsi iffətdir”.
3. Günahların pak olması. İmam Səccad (ə) bu haqda buyurur: "Dörd şey vardır ki, əgər insanda olarsa, İslamı kamil və günahları pak olar. Allahla həmin bəndədən razı olduğu halda görüşər. Hər kəs insanların xeyrinə olan şeyi Allaha xatir yerinə yetirərsə, insanlarla düz danışarsa, insanların və Allahın yanında çirkin sayılan şeylərdən həya edərsə, ailəsi ilə xoş rəftar edərsə”.
4. Həzrət Peyğəmbər (s) həyanın təsirini belə şərh etmişdir: "Həyadan qaynaqlanan şeylər: yumşaqlıq, mehribanlıq, aşkarda və gizlində Allahı yada salmaq, sağlamlıq, pislikdən uzaqlaşmaq, xoşüzlülük, güzəşt və bağışlamaq, insanlar arasında yaxşı ad qazanmaqdır. Bu aqil insanın həyadan əldə etdiyi faydalardır”.
İslam mənbərlərində həyasızlığa aid də çox sayda hədislərimiz vardır. Onlardan ancaq birinə işarə edək. İmam Sadiq (ə) şagirdi Məfəzzələ buyurur: "Ey Məfəzzəl! Əgər həya olmasaydı, insan heç bir zaman qonaq qəbul etməzdi. Vədinə vəfa etməzdi, insanların ehtiyacını yerinə yetirməzdi, yaxşılıqlardan uzaq olardı, pis işlər görərdi. Bir çox vacib və lazımlı işlər də həyaya görə yerinə yetirilir. İnsanların bir çoxu əgər həya etməsəydilər, valideyn haqqına riayət etməzdilər. Sileyi-rəhm etməzdilər. Əmanəti lazımlı şəkildə geri qaytarmazdılar, əxlaqsızlıqdan çəkinməzdilər”.
 
deyerler

Category: Gözəl əxlaq dinin yarısıdır | Added by: Ənfal
Views: 809 | Downloads: 0 | Rating: 0.0/0
Total comments: 0
Yalnız qeydiyyatdan keçmiş istifadəçilər şərhləri əlavə edə bilər.
[ Registration | Login ]