O ki qaldı körpənin ər-arvadı bir-birindən ayırması haqqında düşüncələrə bu heç də belə deyil. Şəkillərə diqqətlə baxsanız görərsiniz ki, valideynlərini öz kiçik əl və ya ayaqlarıyla hərəsini bir yana itələyən körpə ,əslində hər iki fərdə toxunmaqla sanki bir körpü yaradır. Yəni, nə qədər aralı yatsalar da ortada onları bir-birinə bağlayan bir bağ var. Körpələr yeganə varlıqlardır ki, onlarla hər şeyi, hətta kimsəylə paylaşmaq istəmədiklərini belə bölüşürsən. Niyə ? Cavab birdir. Körpə valideynlərini ayırmır, çünki o, elə valideynlərinin özüdür. Həm atanın, həm də ananın canından bir parçasıdır.