Çərşənbə günü, 2024-04-24, 6:47 PM
Allahın Peyğəmbəri (s): «Zirəklərin ən zirəyi günahlardan çəkinmək, axmaqların ən axmağı isə günah işlər görməkdir»
Main » Files » Qadın » İslamda qadınlar

Məsumlarımız qadınlar haqqında nə buyurub?
2012-10-31, 11:01 AM
Məsumlarımız qadınlar haqqında nə buyurub?

İslami təlimlərə nəzər saldıqda qadınlar barəsində çoxlu təkidlərin mövcud olmasına rast gələrik və bu təkidlər qanundan daha üstün qəbul edilir.

Əvvəl qızlardan başlayın
Allah Rəsulu (s) buyurub:

من دخل السوق فاشتری تحفة فحملها الی عیاله... و لبیداً بالاناث...

"Hər kim bazara gedib əhli-əyalına töhfə alsa və onu evə gətirsə, həmin hədiyyələri verərkən qızlarından başlasın”. ( Vəsailuş-Şiə, cild 21, səh 514)
Allah Rəsulu (s) buyurub:

ساووا بین اولادکم فی العطیه، فلو کنت مفضّلاً لفضّلت النساء

"Övladlarınıza bərabər davranış göstərin. Əgər hansısa birinə daha çox hədiyyə vermək istəsəniz, qızlara üstünlük verin”.

Qızlara qarşı daha mehriban olaq
İmam Rza (ə) Allah Rəsulundan (s) rəvayət edərək belə buyurub:

انّ الله تبارک و تعالی علی الاناث ارقّ منه علی الذکور

"Allah-Taala qızlara oğlanlardan daha mehribandır”. (Vəsailuş-Şiə, cild 21, səh 367)

Atadan daha çox anaya haqq verilməsi
Allah Rəsulu (s) buyurur:

إذا کنت فی صلوة التطوّع، فان دعاک والدک فلا تقطعهما، و ان دعتک والدتک فاقطعهما

"Müstəhəb namaz qılarkən atan səni çağırarsa, namazını kəsmə, lakin anan səni çağırarsa, namazını kəs!” (Müstədrək əl Vəsail, cild 15, səh 181)
İmam Baqir (ə) Həzrət Musa ibn İmrandan belə nəql edir:

یا ربّ اوصنی... قال: اوصیک بأمک. قال: یا ربّ اوصنی. قال: اوصیک بأمک. قال: ربّ اوصنی. قال: اوصیک بأمک. قال: ربّ اوصنی. قال: اوصیک بابیک. قال: لأجل ذلک انّ للأمّ ثلثی البرّ و للأب الثلث

"Ey mənim Pərvərdigarım! Mənə nəsihət verin. Allah-Taala buyurub: "Sənə anana ehtiram göstərməyi nəsihət edirəm”. O deyib: "Mənə yenə nəsihət ver!” Allah-Taala buyurub: "Sənə anana ehtiram göstərməyi nəsihət edirəm.” O, təkrarən söyləyib: "Mənə yenə nəsihət ver!” Allah-Taala buyurub: "Sənə atana ehtiram göstərməyi nəsihət edirəm”. O Həzrət (ə) buyurdu: "Elə buna görə də hörmət və ehtiramın üçdə ikisi anaya, üçdə biri isə ataya məxsusdur”. (Həmin mənbə, cild 21, səhifə 492)

Cəbrayılın (ə) qadınlar barədə tapşırıqları
Həzrət Muhəmməd (s) buyurub:

مازال جبرييل یوصینی بالمرية حتّی ظننت انّه لا ینبغی طلاقها الّا من قاحشة مبینة

"Cəbrayıl qadınlar haqqında mənə o qədər tapşırıqlar verdi ki, boşanmanın yalnız açıq pozğunluq halında mümkün olmasını güman etdim”. (Biharul-Ənvar, cild 103, səh 253)

Qadınları sevmək
Allah Rəsulu (ə) buyurub:

العبد کلما ازداد للنساء حبا ازداد فی الایمان فضلا

"Bəndənin imanı artdıqca, onun qadına olan sevgisi də artar”. ("Nəvadirul-Ravəndi”, səh 12)

Qadınların ən yaxşı üç xisləti
İmam Əli (ə) buyurub:
"Qadınların ən yaxşı xüsusiyyətləri kişilərin ən pis xüsusiyyətləridir: Qürur, qorxaqlıq, xəsislik. Qadın qürurlu olsa, özünü (naməhrəmin) ixtiyarına verməz. Xəsis (tutumcul) olsa, özünün və ərinin malını saxlayar. Qorxaq olsa, başına gələ biləcək (bədnamlığa səbəb ola biləcək) hər şeydən çəkinər”.

kovser.az
Category: İslamda qadınlar | Added by: Ənfal
Views: 718 | Downloads: 0 | Rating: 0.0/0
Total comments: 0
Yalnız qeydiyyatdan keçmiş istifadəçilər şərhləri əlavə edə bilər.
[ Registration | Login ]