| Main » Files » Əhkam » Şəri məsələlər |
Əhkamda müasir məsələlər
| 2013-02-21, 9:48 AM | |
 Əhkamda müasir məsələlərHər bir müsəlman öz vətənində doğulur, istər-istəməz dini adət-ənənələr və ilahi hidayət yolu ilə tanış olur. İlahi qanunlarla tanış olan hər bir bəndənin vəzifəsi bu yolu qoruyub saxlamaq harada olduğuna baxmayaraq ondan kənara çıxmamaq və onu özündən sonrakı nəsillərə çatdırmaqdan ibarətdir. Çünki, Həzrəti Peyğəmbər (s)-dan rəvayət olunub, bir nəfərin islama tərəf hidayət etməyin bir qul azad etmək qədər savabı vardır. Müasir dövrün inkişaf və tərəqqisini nəzərə alsaq görərik ki, keçmiş əsrlərə nisbətdə indiki əsrdə müsəlmanlar dünyanın istənilən ölkələrinə səfərlər edir. Bunları nəzərə alan böyük din alimləri və ictihad sahibləri müsəlmanların qeyri müsəlmanlarla davranış və ünsiyyətləri şəriət hökümlərinə əməl, o cümlədən halal və harama riayət etmək və günahlardan çəkinməkləri barəsində fətvalar verib müsəlmanları şəri vəzifələrini təyin etmişlər. Bu cür müasir fətvalardan bir neçəsini sizin üçün silsiləvari olaraq yazırıq. Məsələ 01. qeyri-islam ölkələrinə səfər, səyahət, ticarət, daimi və yaxud müvəqqəti məskunlaşmaq əgər bir müsəlmanın dininə nöqsan olursa haramdır. Qeyd: Fəqihlərin dinə nöqsan dedikdə məqsədləri müsəlmanın zinakarlıq, haram içkilər içmək, digər haram əməlləri yerinə yetirmək kimi, böyük və kiçik günahlara aludə olmaqları və yaxud da namaz, onu həcc kimi vacibi əmrlər tərk etmək kimi işlər tutulur. Məsələ 02. Günah iş üçün edilən səfər haramdır. Məsələ 03. Əhli-kitab (yəhudi, məsihi və məcusi) nəcasətə aludə olmayıblarsa pakdırlar. Məsələ 04. Çubuqdan və ya digər şeylərdən alınan bütün spirt növləri pakdır. Spirt vurulmuş bütün dərmanlar, adikolonlar və şakaladlar pakdır. Siz onlardan istifadə edə bilərsiz. Hətta yeyə də bilərsiz. Məsələ 05. Xarici ölkələrdə donuz tükündən istehsal olunan diş fırçalarından istifadə etmək ağızı nəcis edər. Məsələ 06. Altı ay gecə yaxud 6 ay gündüzolan hər hansı bir şəhər və ya ölkədə yaşayan müsəlman mübarək Ramazan ayının orucunu tutmaq üçün orucu tutmağa münasib olan bir ölkəyə və ya şəhərə getməlidir və yaxud qəza etməli imkan olmayan surətdə gərək hər bir gün üçün bir müdd(750 qr) təam versin. Məsələ 07. Əgər bir saat gecə və 23 saat gündüz və ya əksinə olan ölkələrdə və şəhərlərdə yaşayan hər bir müsəlmana imkanı olan həddə oruc tutmaq vacibdir. Əgər Ramazan ayında mümkün olmasa oruc tutmaq ondan götürülür. Əgər sonradan yaxın ölkəyə və ya şəhərə getməklə olsa da belə qəza edə bilərsə, qəza etsin. Əgər qəza etmək də mümkün olmasa hər bir gün üçün bir fəqirə bir müdd təam versin. Məsələ 08. Bəzi ölkələrdə bir neçə gün günəş çıxmır və ya batmır. Bu ölkələrdə namaz və orucun hökmü vacib ehtiyata əsasən oraya yaxın ölkələr və şəhərin şəri azan vaxtını tətbiq edib, əməl etsinlər. Amma orucu isə onu tuta biləcək bir ölkəyə getsin ki, bunun da fəziləti çoxdur. Əgər mümkün olmasa Ramazandan başqa aylarda buna əməl edib qəzasını yerinə yetirsin. Məsələ 09. Damara vurulan sistemlər, iynələr və seromlar orucu batil etmir. Məsələ 10. Bir müsəlmanı qeyri-müsəlman qəbiristanlığında müsəlman olmayanı da müsəlman qəbiristanlığında dəfn etmək caiz deyildir. Amma əgər qeyri-müsəlman qəbiristanlığında qəbiristanlığın bir hissəsini müsəlmanlar üçün ayrılıbsa, bu halda dəfn etmək olar. Məsələ 11. Qeyri-islami ölkələrdə bir müsəlman vəfat etsə onu islam ölkəsinə gətirmək xərclərini istər vərəsə, yaxud digərləri tərəfindən ehsan edib ödəyən olsa, yaxud meyyitin malının üçdə biri buna kifayət etsə və xüsusilə əgər ehsan və yaxşı iş üçün vəsiyyət edibsə, daha fəzilətlidir ki, onu şərafətli və müstəhəbli yerə aparsınlar. zeka.az | |
| Views: 956 | Downloads: 0 | Rating: 0.0/0 | |
| Total comments: 0 | |
