Çərşənbə günü, 2019-10-23, 7:50 PM
Allahın Peyğəmbəri (s): «Zirəklərin ən zirəyi günahlardan çəkinmək, axmaqların ən axmağı isə günah işlər görməkdir»
Main » Files » Digər məlumatlar » Sual-cavab

Mələklər Allaha etiraz etdi?
2013-06-16, 2:24 PM

Mələklər Allaha etiraz etdi?

  Quran hekayətlərini nəzərdən keçirdikdə yaranan suallardan biri budur ki, nə üçün İblis Allahın göstərişinə itaət etməyəndə ilahi dərgahdan qovuldu, mələklər insanın yaranışına etiraz edəndə cəzalandırılmadı?
İstənilən mövzuda sualın üç məqsədi ola bilər: öyrənmək məqsədi, qarşı tərəfi sınamaq məqsədi, deyilən sözə və ya görülən işə etiraz məqsədi.
İnsanın yaranışından xəbər tutan mələklərin sual verməkdə məqsədi etiraz yox, öyrənmək idi. İnsan yenicə xəlq edilmişdi və bu hadisə mələklər üçün adi deyildi. Onlar insanın kimliyi barədə məlumat almaq, biliklərini artırmaq istəyirdilər. Onların sual verməkdə məqsədi nə Allahın işinə etiraz etmək, nə də inkar idi. Allah mələklərə insanın yaranışını xəbər verəndə mələklər təzim edərək dedilər: "Sən paksan, müqəddəssən! (Bütün eyib və nöqsanlardan kənarsan!) Sənin bizə öyrətdiklərindən başqa biz heç bir şey bilmirik. (Hər şeyi) bilən Sən, hikmət sahibi Sənsən.” (Bəqərə suarəsi, ayə 32) Digər tərəfdən mələk insan və cin kimi azad deyil ki, Allahın hökmündən boyun qaçıra bilsin. Onlar məsum, günahsız varlıqlardır və günüh batmaq imkanları yoxdur. Allah-Taala mələkləri yalnız özünə ibadət üçün xəlq edib. Onlar Allahın iradəsi ziddinə hərəkət edə bilməzlər. Başqa bir ayədə oxuyuruq: "Ey iman gətirənlər! Özünüzü və əhli-əyalınızı elə bir oddan qoruyun ki, onun yanacağı insanlar və daşlar (daşdan düzəlmiş bütlər), xidmətçiləri isə Allahın onlara verdiyi əmrlərə asi olmayan, buyurduqlarını yerinə yetirən daş qəlbli (heç kəsə zərrəcə rəhm etməyən) və çox sərt təbiətli mələklərdir (zəbanilərdir).” (Təhrim suarəsi, ayə 6)
Həzrət Əli (ə) buyurur: "Mələklərdə nə süstlük var, nə də qəflət. Onlar günah etməz.” İblis özünü zatən üstün sayırdı. Bu səbəbdən Allahın böyüklüyünü yaddan çıxarmışdı. Həzrət Əli (ə) başqa bir rəvayətdə buyurur: "Mələklər istənilən bir şəkdən uzaqdır, Allahın razılığına qarşı hərəkət etməzlər.” İblis isə cin tayfasından idi, insan kimi öz iradəsi ilə hərəkət edirdi. Bəqərə suarəsinin 34-cü ayəsində oxuyuruq: "(Ya Peyğəmbər!) Biz mələklərə: "Adəmə səcdə edin! – dedikdə İblisdən başqa (hamısı) səcdə etdi. (Yalnız) o, lovğalanaraq (səcdə etməkdən) imtina etdi və kafirlərdən oldu.”

HaqqYolu/tebyan.net
Category: Sual-cavab | Added by: Ənfal
Views: 427 | Downloads: 0 | Rating: 0.0/0
Total comments: 0
Yalnız qeydiyyatdan keçmiş istifadəçilər şərhləri əlavə edə bilər.
[ Registration | Login ]