Main » Files » Digər məlumatlar » Digər məlumatlar |
2012-10-25, 6:09 AM | |
Namaz bütün peyğəmbərlərə vacib olub? Bəli. Namaz İslam Peyğəmbəri Həzrət Muhəmməddən (s) əvvəlki peyğəmbərlərə də vacib edilmiş və İlahi göstəriş olaraq yerinə yetirilmişdir. Onların miqdar və qılınma qaydası bizə məlum olmasa da, gündəlik vacib ibadət olaraq yerinə yetirildiyinə heç bir şübhə yoxdur. Buna misal olaraq bir neçə Quran ayəsinə işarə etmək olar: 1. "Ey Rəbbimiz! Mən əhli-əyalımdan bəzisini (İsmaili və anası Hacəri) Sənin Beytülhəramının (Kəbənin) yaxınlığında, əkin bitməz bir vadidə (dərədə) sakin etdim. Ey Rəbbimiz! Onlar (vaxtlı-vaxtında, lazımınca) namaz qılsınlar deyə belə etdim." (İbrahim-37) 2. "Ey Rəbbim! Məni də, nəslimdən olanları da (vaxtlı-vaxtında, lazımınca) namaz qılan et. Ey Rəbbimiz! Duamı qəbul buyur!" (İbrahim-40) 3."Mən, həqiqətən, Allaham. Məndən başqa heç bir tanrı yoxdur. Mənə ibadət et və Məni anmaq üçün namaz qıl!" (Ta-Ha-14) Həzrət İsa (ə) beşikdə ikən Allahın namazı vacib etdiyindən xəbər verərək buyurur: İsa peyğəmbər (ə) 4."O, harada oluramsa olum, məni mübarək (həmişə hamıya xeyir verən, dini hökmləri öyrədən) etdi və mənə diri olduqca namaz qılıb zəkat verməyi tövsiyə buyurdu." (Məryəm-31) Namazın vacibliyi tək peyğəmbərlərin dilindən deyil, Loğman kimi əməlisaleh şəxslərin dilindən də bəyan olunur: 5. "Oğlum! Namaz qıl, (insanlara) yaxşı işlər görməyi əmr et, pis işləri qadağan elə. (Bu yolda) sənə üz verəcək müsibətlərə döz. Həqiqətən, bu (dediklərim) vacib əməllərdəndir!" (Loğman-17) Və nəhayət, Həzrət Muhəmmədə (s) xitabən buyurulur: 6."(Ya Rəsulum!) Quranda sənə vəhy olunanı oxu və (vaxtı-vaxtında) namaz qıl. Həqiqətən, namaz (insanı) çirkin və pis əməllərdən çəkindirər. " (Ənkəbut-45) | |
Views: 869 | Downloads: 0 | Comments: 4 | Rating: 5.0/1 |